کورتەیەک لەبارەی ژیان و بەرهەمەکانی:

- شەریف فەلاح، شاعێر، وەرگێڕ و لێکۆڵەری ئەدەبی.

- ساڵی 1353- 1975 لە گوندی (گەزنە)ی سەر بە چەمشاری سنە لەدایک بووم.

- لە ساڵی ١٣٧٧ی هەتاوییەوە بوومەتە ئەندامی ئەنجومەنی ئەدەبیی مەولەوی سنە‌ و شێعر‌ و بابەتی ئەدەبیم لە گۆڤارەکانی سروە و زرێبار‌ و گۆڤارە خوێندكارییەكان ‌و حەفتەنامەكانی: ئاویەر‌ و سیروان لە ڕۆژهەڵاتی كوردستان بڵاو بۆتەوە.

- لە ساڵی 2002ی زایینەوە لە باشووری كوردستان نیشتەجێی بووم و ماوەی نزیکەی 12ساڵ وەک پێشمەرگەی (حدکا) لە میدیا و ڕاگەیاندنەکانی ئەو حیزبە وەک "ڕادیۆی دەنگی کوردستانی ئێران، تیشک تیڤی، و ماوەی یەک ساڵ و نیویش لە ئاژانسی هەواڵدەریی (کوردپا) کاری نووسین و ڕۆژنامەنووسیم کردووە.

 ‌لە ساڵی 2004ەوە هاوكاریم لەگەڵ حەفتەنامەكانی "چاودێر، هەواڵ ‌و رۆژنامەی خەبات ‌و کوردستانی نوێ و وشە و باس" و هەروەها گۆڤارە ئەدەبییەكانی: "هەنار، رامان و نما" هەیە.

- لە ساڵی 2004ەوە بە شێوەیەكی جیدی كاری وەرگێڕانم لە زمانی فارسییەوە بۆ سەر زمانی كوردی دەست پێکردووە ‌و هەتا ئێستا ئەم كتێبانەم وەرگێڕاوە و نووسیوە:

1 ـ وەرگێڕانی کتێبی "لەبارەی ئەدەبیات ‌و هونەرەوە"، چاپ ‌و بڵاوكردنەوەی سلێمانی 2009 پڕۆژەی كتێبی هەنار .

2- پرۆژەی ئەدەبیی "ڕۆچنەیەک بۆ ئەدەبی کوردی لە رۆژهەڵاتی کوردستان"، کە پێنج بەرگە و هەر بەرگێکی تایبەتە بە ژانرێکی ئەدەبی کە پێکهاتوون لە کۆمەڵە دیدار و لێکۆڵینەوەی ئەدەبی و بەرگی یەکەم و دووەمی لە ساڵانی 2013و 2014 لە بەڕیوەبەرایەتیی چاپ و بڵاوکردنەوەی سلێمانی چاپ بوون.

3ـ وەرگێڕانی کتێبی "چەند تێڕامانێك لە حكوومەتی هەڵبژێردراو" چاپ و بڵاوکردنەوەی چوارچرا سلێمانی 2017.

4 ـ وەرگێڕانی کۆمەڵە چیرۆکی مێرمنداڵان "حیكایەتەكانی ئەو ساڵانە" (چیرۆك ـ عەلی ئەشرەف دەروێشیان) چاپەمەنیی مانگ – بانە 2017

5 ـ وەرگێڕانی کتێبی "مێژووی نەورۆز‌و كڕۆنۆلۆژیای ئێران" ساڵی چاپ 2013دەزگای موكریانی، هەولێر.

- 6كۆكردنەوەی دوو بەیتی فۆلكلۆریكی ڕەسەنی كوردی بە ناوی ( عەزیز و كوبرا) بە یارمەتیی حەسەن سەلیمی، ساڵی چاپ 2013 ئەنستیتۆی کەلەپۆری کورد، سلێمانی.

– 7ماڵاوا ئیمپراتۆری شیعر، کۆمەڵە وتار و پەیام بە بۆنەی کۆچی دوایی شیرکۆ بێکەس ساڵی چاپ 2013 دەزگای رۆشنبیریی جەماڵ عیرفان، سلێمانی.

8 -وەرگێڕانی ڕۆمانی "نەشتەرگەی شێت" ساڵی چاپ 2013 دەزگای چاپ و بڵاوکردنەوەی چوارچرا، سلێمانی.

ئامادەی چاپ:

1ـ ژیانێكی‌تر كورتە چیرۆكی ئیتالیایی (ئەلبێرتۆ موراڤیا).

2-جادەکان دەگەنە دەریا، کۆمەڵە شیعر.

-3 وەرگێڕانی رۆمانی "دزیی ئەدەبی".

 -4کەشکۆڵی بەندی کوردی، کۆکردنەوە، بە هاوکاریی سووسەن کەنعانی.

 

ئەم شەش بەرهەمەش لەژێر چاپدان:

- ڕۆچنە، بەرگی یەكەم زمان و ئەدەبی زارەكی، دیدار و لێکۆڵینەوە

- ڕابوون، بەرگی دووەم، شێعری هاوچەرخی ڕۆژهەڵاتی کوردستان، دیداری ئەدەبی و لێکۆڵینەوە.

- گێڕانەوە لە ڕێدا، بەرگی سێیەم – دیدار و لێکۆڵینەوە لەبارەی ئەدەبیاتی داستانیی ڕۆژهەڵاتی کوردستان.

- باڕستی دەق، بەرگی چوارەم، دیدار و لێکۆڵینەوە لەبارەی پێگەی ڕخنەی ئەدەبی کوردی لە ڕۆژهەڵات.

- داكـــــار - خوێندنەوەیەكی ڕەخنەگرانەی پرۆسەی شیعری نوێی كوردی لە ڕۆژهەڵاتی کوردستان - كۆدیدار، وتار و لێكۆڵینەوە.

- دەروەچەی واران - دیدار و لێکۆڵینەوە لەبارەی ناسنامە، زمان و ئەدەبی كوردی لە كرماشان و ئیلام.

 

ئەزموونی کاری میدیایی و ڕێکخراوەیی:

- بۆ ماوەی دوو ساڵ لە رۆژنامە و گۆڤارە و دەزگا رۆشنبیرییەکانی شاری سلێمانی وەک لێپرسراوی لاپەڕە و هەڵەبڕ کاری زمانه‌وانیم کردووە.

- لە ساڵی 2015ەوە لە دەزگای میدیایی (باس) لە هەولێر کار دەکەم.

- دەستەی دامەزرێنەر و بەرێوەبەری ناوەندی فەرهەنگی، ئەدەبی و هونەریی وێژانم.

- ئەندامی یەکێتیی نووسەرانی کورد – لقی هەولیر.

ئەندامی کانوونی نووسەرانی کوردستان – ڕۆژهەڵات   -